బాయ్‌ఫ్రెండ్‌తో శ్రుతిహాసన్ బ్యాక్ రైడ్

దిశ, సినిమా: మల్టీ టాలెంటెడ్ హీరోయిన్ శ్రుతిహాసన్, తన రూమర్డ్ బాయ్‌ఫ్రెండ్ శంతను హజారికా.. తమ రిలేషన్‌షిప్‌ గురించి అఫిషియల్‌గా వెల్లడించని విషయం తెలిసిందే. కానీ అప్పుడప్పుడు వీరిద్దరూ క్లోజ్‌గా కలిసివున్న ఫొటోలను షేర్ చేస్తూ ఫ్యాన్స్‌ను ఖుష్ చేస్తున్నారు. లాక్‌డౌన్ టైమ్‌లో కలిసేవున్న ఈ జంట.. తాజాగా ఓ క్యూట్ పిక్‌ను షేర్ చేసింది. ఇందులో హజారికా శ్రుతిని తన వీపుపై ఎక్కించుకోగా, హ్యాపీ మోడ్‌లో ఎంజాయ్ చేస్తూ కనిపించారు.

అయితే రీసెంట్‌గా డూడుల్ ఆర్టిస్ట్ శంతనుతో రిలేషన్‌షిప్‌పై ఓపెన్ అయిన శ్రుతి… డేటింగ్ కాన్సెప్ట్‌పై తనకే క్లారిటీ లేదని, అందుకే దాని నుంచి దూరంగా ఉంటున్నాని తెలిపింది. అయితే ఏదైనా ఉంటే తప్పకుండా చెప్తానని, దాచాల్సిన అవసరం లేదని కూడా చెప్పింది. పేరెంట్స్ స్టేటస్ వల్ల ప్రజల ముందే పెరిగానన్న శ్రుతి.. తన లైఫ్‌లో జరిగిన విషయాలు అందరికీ తెలుసని పేర్కొంది. అయితే హజారికాతో రిలేషన్‌కు ప్రత్యేకించి పేరు పెట్టడం ఇష్టం లేదని, తమ ఫ్రెండ్‌షిప్ పట్ల కృతజ్ఞతతో ఉన్నానని తెలిపింది. శంతను వెరీ టాలెంటెడ్ అని, తన జీవితంలో అతను ఉండటం సంతోషంగా ఉందని వివరించింది. కాగా ప్రస్తుతానికి శ్రుతి.. ప్రభాస్‌తో ‘సలార్’ మూవీలో నటిస్తోంది.