ఎత్తిన బాటిల్ దించకుండా తాగిన ‘సారా’ 

దిశ, సినిమా: బీటౌన్ బ్యూటీ సారా అలీ‌ఖాన్ తాజాగా అభిమానులకు స్వీట్ సర్ ప్రైజ్ ఇచ్చింది. ఖిలాడి అక్షయ్ కుమార్, తమిళ స్టార్‌ హీరో ధనుష్ ప్రాధాన పాత్రల్లో తెరకెక్కుతున్న చిత్రం ‘అత్రంగి రే’ మోషన్ పోస్టర్‌ను ఫ్యాన్స్‌తో పంచుకుంది. ఇందులో తన క్యారెక్టర్ పేరు రింకూ అని తెలిపిన సారా.. ‘బీహార్ నుంచి వచ్చిన ఈ చోరీ.. హార్ట్ ఆఫ్ అత్రంగి లవ్ స్టోరీ’ అనే క్యాప్షన్ యాడ్ చేస్తూ ఇన్‌స్టా పోస్ట్ పెట్టింది. కాగా ఈ మోషన్ పోస్టర్‌ 30 సెకన్ల నిడివితో ఉంది.

‘ఏ లవ్ కాల్‌డ్ మ్యాడ్‌నెస్’ అంటూ స్టార్ట్ కాగా, ఫస్ట్ లుక్‌లో అలిసిపోయిన సారా ఎత్తిన సోడా సీసాను దించకుండా తాగుతున్నట్లు దర్శనమిచ్చింది. తర్వాత పెళ్లి దుస్తుల్లో కనిపించిన భామ.. మోకాలుపై చేతులు తల పెట్టుకుని దీర్ఘాలోచనలో ఉన్నట్లు, మూడో లుక్‌లో వెచ్చని రెడ్ క్యాప్‌లో కోపంగా చూస్తున్న సారా క్యూట్‌గా ఉంది. దీంతో ఖుష్ అవుతున్న అభిమానులు కామెంట్ల వర్షం కురిపిస్తున్నారు. కాగా ఆనంద్ ఎల్ రాయ్ దర్శకత్వంలో తెరకెక్కుతున్న ఈ మూవీకి ఆస్కార్ అవార్డ్ విన్నర్ ఏఆర్ రెహమాన్ సంగీతం అందించారు.