హైదారాబాద్‌లో ‘అధీర’ పోర్షన్

దిశ, వెబ్‌డెస్క్: బాలీవుడ్ సీనియర్ హీరో సంజయ్ దత్ సెకండ్ ఇన్నింగ్స్‌లో విలన్‌గా విశ్వరూపాన్ని చూపిస్తున్నాడు. ‘కేజీఎఫ్ చాప్టర్‌2’లో పవర్ ఫుల్ రోల్ ప్లే చేస్తున్న సంజూ..ఫస్ట్ లుక్‌లో ‘అధీర’గా అతికిరాతకంగా కనిపించాడు. కరోనా కారణంగా షూటింగ్‌కు బ్రేక్ పడగా నెల రోజుల క్రితం మళ్లీ షూటింగ్ మొదలుపెట్టింది మూవీ యూనిట్.

హీరో యశ్ తన పోర్షన్ కంప్లీట్ చేసినట్లు తెలుస్తుండగా..క్యాన్సర్ ట్రీట్‌మెంట్ కారణంగా సంజూ భాయ్ సన్నివేశాల చిత్రీకరణ ఆగిపోయింది. డైరెక్టర్ ప్రశాంత్ నీల్ ‘అధీర’ పోర్షన్ షూటింగ్ ఇదే నెలలో పూర్తి చేస్తారని సమాచారం. ప్రస్తుతం దుబాయ్‌లో ఉన్న సంజూ భాయ్ షూటింగ్ కోసం హైదరాబాద్ రానున్నారని తెలుస్తుంది. కాగా రీసెంట్ ఇంటర్వ్యూలోనూ నవంబర్ నెలలో ‘కేజీఎఫ్ చాప్టర్ 2’ షూటింగ్‌లో జాయిన్ కాబోతున్నట్లు చెప్పాడు సంజయ్ దత్.

‘కేజీఎఫ్ చాప్టర్ 2’ షూటింగ్ ఎండింగ్‌కు చేరుకోగా..బాక్సాఫీస్ వద్ద రికార్డుల సునామీ సృష్టించిన కేజీఎఫ్ చాప్టర్ 1 నుంచి వర్కింగ్ స్టిల్స్ రిలీజ్ చేసింది మూవీ యూనిట్. యశ్ పవర్ ప్యాక్డ్ పర్ఫార్మెన్స్‌ స్టిల్స్ ఫ్యాన్స్‌కు తెగ నచ్చగా..యశ్‌కు సంబంధించిన చాప్టర్ 2 వర్కింగ్ స్టిల్స్ రిలీజ్ చేయాలని కోరుతున్నారు.