ఆగి వున్న ట్రాక్టర్‎ను ఢీకొన్న బైక్

దిశ ప్రతినిధి, మహబూబ్‎నగర్: ఆగి వున్న ట్రాక్టర్‎ను బైక్ ఢీకొట్టిన ఘటనలో ఇద్దరు మృతి చెందారు. ఈ ప్రమాదం గురువారం ఉదయం నాగర్‎కర్నూలు జిల్లాలో చోటు చేసుకుంది. వివరాల్లోకి వెళ్తే.. ఉర్కొండ మండలం జిన్నింగ్ మిల్లు సమీపంలో ఆగి వున్న ట్రాక్టర్ ను బైక్ ఢీ కొట్టింది.

ఈ ప్రమాదంలో బైకుపై ప్రయాణిస్తున్న ఇద్దరు అక్కడికక్కడే మృతి చెందగా.. మరొకరు తీవ్రంగా గాయపడ్డారు. క్షతగాత్రుడిని కల్వకుర్తి ప్రభుత్వాస్పత్రికి తరలించారు. మృతులు తిమ్మాజీపేట మండలం లక్ష్మణ్ నాయక్ తండాకు చెందిన వాల్య నాయక్, రాములు నాయక్‎గా గుర్తించారు. ఈ ఘటనపై కేసు నమోదు చేసిన పోలీసులు దర్యాప్తు చేపట్టారు.