దారుణం.. కొడుకును కాల్చిన రిటైర్డ్ ఎస్సై

దిశ, వెబ్ డెస్క్: ఓ రిటైర్డ్ ఎస్సై తన కొడుకును కాల్చి, ఆ తర్వాత తాను కాల్చుకుని ఆత్మహత్య చేసుకున్న ఘటన ఉత్తరప్రదేశ్ లో చోటు చేసుకుంది. పోలీస్ కమిషనర్ విశాల్ పాండే తెలిపిన వివరాల ప్రకారం.. గ్రేటర్ నోయిడాకు చెందిన బచన్ సింగ్(65) అనే రిటైర్డ్ సబ్ ఇన్స్పెక్టర్ తన కొడుకుపై రెండు రౌండ్ల కాల్పులు జరిపాడు. అనంతరం అదే రివల్వార్ తో తాను కాల్చుకుని ఆత్మహత్య చేసుకున్నాడు. ఈ ఘటన దాద్రి ప్రాంతంలో ఉన్న రైల్వే రోడ్ సమీపంలోని ఎస్కార్ట్ కాలనీలో చోటు చేసుకుంది. ఈ ఘటనకు సంబంధించి కేసు నమోదు చేసి దర్యాప్తు చేపట్టామని, బచన్ సింగ్ కొడుకు ప్రస్తుతం ఆస్పత్రిలో చికిత్స పొందుతున్నాడని సీపీ తెలిపారు. కుటుంబ కలహాలతో తన కొడుకుపై బచన్ సింగ్ కాల్పులు జరిపారని సీపీ వెల్లడించారు.