రామ్ రేర్ కాంబినేషన్..

ఎనర్జిటిక్ హీరో రామ్ పోతినేని, పూరీ జగన్నాథ్ రేర్ కాంబినేషన్. కానీ ఇస్మార్ట్ శంకర్ బ్లాక్ బస్టర్ హిట్. అటు రామ్‌కు, ఇటు పూరీకి చాలా కాలం తర్వాత ఈ సినిమాతోనే హిట్ దక్కింది. ఇలాంటి రేర్ కాంబినేషన్ మరొకటి తెరపైకి రాబోతుందని సమాచారం. మాటల మాంత్రికుడు త్రివిక్రమ్ శ్రీనివాస్ డైరెక్షన్‌లో రామ్ సినిమా రాబోయే అవకాశం ఉందని ఫిల్మ్ నగర్ టాక్. నిర్మాత స్రవంతి రవికిషోర్ ఇప్పటికే ఈ విషయమై త్రివిక్రమ్‌ను సంప్రదించారని తెలుస్తోంది.

కాగా, త్రివిక్రమ్ ఇప్పటికే హారిక అండ్ హాసిని క్రియేషన్స్ బ్యానర్‌పై యంగ్ టైగర్ ఎన్టీఆర్ సినిమాను ప్రకటించారు. కానీ తారక్ మాత్రం ఇంకా జక్కన్న ‘ఆర్‌ఆర్‌ఆర్’ సినిమాతోనే లాక్ అయిపోవడంతో ఈ టైమ్‌లో రామ్‌తో మూవీ చేస్తే బాగుంటుందని అభిప్రాయపడ్డట్టు న్యూస్ చక్కర్లు కొడుతోంది.

ఇక రామ్ విషయానికోస్తే, రెడ్ సినిమా షూటింగ్ దాదాపు పూర్తి కాగా.. కరోనా కారణంగా విడుదల వాయిదా పడింది. ఈ చిత్రం తర్వాత రామ్ ఇంకా ఎలాంటి సినిమాలు ప్రకటించలేదు. ఈ సమయంలో ఈ న్యూస్ బయటకు రావడంతో నిజం అయితే బాగుంటుందని అభిప్రాయ పడుతున్నారు ఫ్యాన్స్.