శ్రీవారిని దర్శించుకున్న పుదుచ్చేరి సీఎం

దిశ, వెబ్‌డెస్క్: పుదుచ్చేరి ముఖ్యమంత్రి నారాయణస్వామి ఆదివారం ఉదయం శ్రీవారిని దర్శించుకున్నారు. అనంతరం ఆయన మీడియాతో మాట్లాడారు. ఈ సందర్భంగా కేంద్రంపై నిప్పులు చెరిగారు. దేశంలో నిరంకుశ పాలన కొనసాగుతోందని ఆగ్రహం వ్యక్తం చేశారు. ఇటీవల కేంద్రం తీసుకొచ్చిన వ్యవసాయ బిల్లులు పూర్తిగా రైతులకు వ్యతిరేంగా ఉన్నాయని విమర్శించారు. అంతేగాకుండా మోడీ ప్రభుత్వం రైతులను గాలికి వదిలేసిందని తెలిపారు.