తెలంగాణ కాంగ్రెస్‌కు మరో షాక్... బీజేపీ గూటికి సీనియర్ నేత

దిశ, డైనమిక్ బ్యూరో: తెలంగాణ కాంగ్రెస్‌‌కు మరో షాక్ తగిలింది. పీసీసీ సీనియర్ సెక్రటరీ సుదర్శన్ ప్రసాద్ తివారీ బీజేపీలో చేరారు. మంగళవారం ఢిల్లీలో బీజేపీ జాతీయ ప్రధాన కార్యదర్శి, రాష్ట్ర వ్యవహరాల ఇన్‌చార్జి తరుణ్ చుగ్ సమక్షంలో ఆయన కాషాయ తీర్థం పుచ్చుకున్నారు. ఈ సందర్భంగా తరుణ్ చుగ్ కండువా కప్పి పార్టీలోకి ఆహ్వానించారు. మోడీ పనితీరు నచ్చే బీజేపీలో చేరినట్లు తివారీ తెలిపారు. ఈ కార్యక్రమంలో బీజేపీ జాతీయ కార్యవర్గ సభ్యులు వివేక్ వెంకటస్వామి, పార్టీ నేతలు పాల్గొన్నారు.