నిజాయితీ గల పార్టీకి సపోర్ట్ చేస్తా.. రాజకీయ ఎంట్రీపై బండ్ల గణేష్ ట్వీట్

దిశ, వెబ్ డెస్క్: టాలీవుడ్ నిర్మాత బండ్ల గణేష్ పలు ఆసక్తికర ట్వీట్లతో వార్తల్లో నిలుస్తారు. సినిమాలతో పాటు తెలంగాణ రాజకీయాల్లోకి వచ్చిన తర్వాత కాంగ్రెస్ ఓడిపోవడంతో పార్టీ నుంచి బయటకు వచ్చేశారు. ఆ తర్వాత పలు ఇంటర్వ్యూల్లో మళ్లీ రాజకీయాల్లోకి రాను అని చెప్పారు. తాజాగా, వరుస ట్వీట్లతో పాలిటిక్స్‌లోకి ఎంట్రీ ఇస్తునట్టు తెలుపారు. ‘‘రాజకీయాలంటే నిజాయితీ రాజకీయాలంటే నీతి.. రాజకీయాలంటే కష్టం.. రాజకీయాలంటే పౌరుషం రాజకీయాలంటే శ్రమ రాజకీయాలంటే పోరాటం ఇవన్నీ ఉంటేనే రాజకీయాల్లోకి చేరాలి రావాలి అందుకే వస్తా.బానిసత్వానికి భాయ్ భాయ్ నిజాయితీతో కూడిన రాజకీయాలకు జై జై . నా రాజకీయ భవిష్యత్తుపై త్వరలో నిర్ణయం’’ అంటూ వరుస ట్వీట్లు చేశారు. దీంతో అది చూసిన నెటిజన్లు జనసేన పార్టీలో చేరండి అంటూ కామెంట్లు చేస్తున్నారు.