Adipurush : ఆదిపురుష్ చిత్రం చూసేందుకు హనుమంతుడు హాజరు
ప్రస్తుతం ప్రభాస్ నటించిన ఆదిపురుష్ ఫీవర్ నడుస్తుంది. భారీ అంచనాలతో ఈ రోజు విడుదలైన ఈ సినిమా మొదటి నుంచీ ఏదో ఒక సంచలం సృష్టిస్తుంది.
దిశ, వెబ్ డెస్క్ : ప్రస్తుతం ప్రభాస్ నటించిన ఆదిపురుష్ ఫీవర్ నడుస్తుంది. భారీ అంచనాలతో ఈ రోజు విడుదలైన ఈ సినిమా మొదటి నుంచీ ఏదో ఒక సంచలం సృష్టిస్తుంది. అలాగే విడుదలైన మొదటి రోజు కూడా ఓ అద్భుతం ఆవిషృతమైంది. ఈ సినిమా చూసేందుకు ఏకంగా హనుమంతుడే థియేటర్కు వచ్చాడనే వార్త సోషల్ మీడియాలో హల్చల్ చేస్తుంది. వివరాల్లోకెళితే....రామాయ‌ణంలో శ్రీరాముడు న‌మ్మిన బంటు ఆంజ‌నేయుడు. రామ‌పారాయ‌ణం ఎక్క‌డ జ‌రుగుతుంటే అక్క‌డే హనుమంతుడు ఉంటాడ‌ని అందరికీ తెలుసు.
అయితే ఆదిపురుష్ సినిమా థియేట‌ర్స్‌లో ఓ సీటుని అమ్మ‌కుండా అలాగే ఖాళీగా ఉంచుతామని ఆ సినీ మేక‌ర్స్ చెప్పారు. అన్న‌ట్లుగానే ఓ థియేటర్లో ఓ సీటుని ఖాళీగా ఉంచారు. అది హనుమంతుడి కోసమని చిత్రవర్గాలు చెబుతున్నాయి. హనుమంతుడు సినిమా చూసేందుకు వస్తాడని వారు నమ్మారు. యాదృచ్చికమో, లేక నిజమో తెలియదు కానీ నిజంగానే ఓ థియేటర్లోకి అందరి కండ్లుకప్పి ఓ కోతి ప్రవేశించింది. హాయిగా సినిమా చూడటం మొదలుపెట్టింది. దాంతో అది చూసిన జనాలు ఒక్కసారిగా థియేటర్లో జై శ్రీరామ్...జై హనుమాన్ అంటూ నినాదాలు చేశారు. చిత్ర యూనిట్ నమ్మకాన్ని వమ్ముచేయకుండా హనుమంతుడు రాముడి కోసం వచ్చాడని భక్తులు విశ్వసిస్తున్నారు.
Read More: Adipurush:పబ్లిక్ టాక్.. ఫ్యాన్స్ రియాక్షన్ ఎలా ఉందంటే? (వీడియో)
నాకు అర్హత లేకపోయినా ‘ఆదిపురుష్’లో లక్ష్మణుడిగా నటించా.. నటుడి కామెంట్స్ వైరల్