తెలుగు ఓటీటీలోకి వచ్చేసిన బ్లాక్ బస్టర్ మూవీ.. ఎందులో చూడొచ్చంటే?

దిశ, సినిమా: గత కొద్ది రోజుల నుంచి ఓటీటీలోకి వచ్చే సినిమాలన్నీ బ్లాక్ బస్టర్ అవుతున్నాయి. యంగ్ హీరోల మూవీస్ కానుంచి పెద్ద స్టార్స్ చిత్రాలు ప్రేక్షకులను ఆకట్టుకోవడంతో పాటు ఊహించని రెస్పాన్స్‌ను దక్కించుకుంటున్నాయి. మరికొన్ని అయితే థియేటర్స్‌లో డిజాస్టర్ అయినవి కూడా ఓటీటీలో దుమారం రేపుతున్నాయి. అత్యధిక వ్యూస్‌తో ఆశ్చర్యానికి గురి చేస్తున్నాయి. అయితే తెలుగు ఓటీటీ సంస్థ ఆహాలో డబ్బింగ్ సినిమాలు స్ట్రీమింగ్ అవుతున్న విషయం తెలిసిందే.

తాజాగా, కన్నడ మూవీ డబ్బింగ్ చేసి తెలుగులో విడుదల చేస్తున్నారు. సందీప్ సుంకడ్ తెరకెక్కించిన కన్నడ మూవీ ‘శాఖాహారి’. ఈ సినిమాలో గోపాలకృష్ణ దేశ్ పాండే, వినయ్, నిధి హెగ్డే, హరిణి శ్రీకాంత్ కీలక పాత్రలో నటించారు. అయితే సస్పెన్స్ థ్రిల్లర్‌గా వచ్చిన శాఖాహారి కన్నడలో హిట్ సాధించడంతో.. తెలుగులో డబ్బింగ్ చేశారు. తాజాగా, ఈ శాఖాహారి సినిమా ట్రైలర్ విడుదల చేశారు మేకర్స్. అలాగే స్ట్రీమింగ్ తేదీని కూడా అధికారికంగా వెల్లడించారు. ఆగస్టు 24 నుంచి స్ట్రీమింగ్ అందుబాటులోకి వచ్చినట్లు తెలిపారు.