వృద్ధుల పెద్ద మనసు.. పెన్షన్ డబ్బులు విరాళం

దిశ, నల్లగొండ: సూర్యాపేట జిల్లా కోదాడలో ఆకుకూరల వ్యాపారం చేసుకునే 15మంది వృద్ధ మహిళలు తమ పెద్ద మనుసును చాటుకున్నారు. కరోనాపై పోరులో తమవంతు సాయంగా వారి వృద్ధాప్య పింఛన్​లను జమ చేసి, మొత్తం రూ.52,500లను సీఎంఆర్ఎఫ్‌కు విరాళంగా ప్రకటించారు. ఈ మొత్తాన్ని కోదాడ ఎమ్మెల్యే బొల్లం మల్లయ్య యాదవ్‌కు అందజేశారు. చిరు వ్యాపారం చేసుకుని జీవనం సాగించేవారు సైతం ఇలాంటి విపత్కర పరిస్థితుల్లో ప్రభుత్వానికి సాయం చేసి అందరికీ ఆదర్శంగా నిలుస్తున్నారని ఎమ్మెల్యే అభినందించారు.

Tags: Older woman, donates, pension, coronavirus, mla mallaiah, suryapet