‘ఎన్టీఆర్ టాక్ షో’కు నో రెమ్యునరేషన్?

దిశ, వెబ్‌డెస్క్: యంగ్ టైగర్ ఎన్టీఆర్ ఓ పాపులర్ చానల్‌ కోసం మరోసారి హోస్ట్‌గా మారబోతున్నారని ఫిల్మ్ ఇండస్ట్రీ టాక్. ఇది 100 పర్సెంట్ కరెక్ట్ అని తెలుస్తుండగా.. ఈ షో హోస్ట్ చేసేందుకు గాను తారక్ ఎలాంటి రెమ్యునరేషన్ తీసుకోవడం లేదని సమాచారం. అంతేకాదు కాన్సెప్ట్‌కు ఇంప్రెస్ అయిపోయి ఇన్వెస్ట్ కూడా చేస్తున్న నందమూరి హీరో.. షో రెవెన్యూ ప్రాఫిట్స్‌లో మాత్రం షేర్ తీసుకుంటారనే న్యూస్ వినిపిస్తోంది. అన్నపూర్ణ స్టూడియోస్‌లో ఇందుకోసం సెట్ కూడా డిజైన్ చేస్తుండగా.. త్వరలో షూటింగ్ ప్రారంభం కానుంది. ప్రస్తుతం రాజమౌళి ‘ఆర్ఆర్ఆర్’ సినిమా కోసం పనిచేస్తున్న తారక్.. షూటింగ్ గ్యాప్‌లో షో కోసం టైమ్ కేటాయిస్తారని తెలుస్తోంది.

గతంలో ‘బిగ్ బాస్ తెలుగు సీజన్ 1’ హోస్టింగ్ బాధ్యతలు తీసుకుని అదరగొట్టేసిన తారక్.. తన పాపులారిటీ, హోస్టింగ్ స్కిల్స్‌తో రియాలిటీ షోను సూపర్ పాపులర్ చేసిన సంగతి తెలిసిందే. కాగా ఇప్పుడు అవే స్కిల్స్‌తో మరోసారి రఫ్ ఆడించనున్నారు. మరి తారక్‌ను అంతలా ఇంప్రెస్ చేసిన షో ఎలా ఉండబోతుందో వేచి చూద్దాం.