పంజాబ్‌లో NIA దాడులు.. 130రౌండ్ల బుల్లెట్లు స్వాధీనం

దిశ, వెబ్‌డెస్క్ : పంజాబ్ రాష్ట్రంలో జాతీయ దర్యాప్తు సంస్థ(NIA) అధికారులు గురువారం దాడులు జరిపారు. అమృత్‌సర్, గురుదాస్‌పూర్ జిల్లాల్లో జరిపిన దాడుల్లో రూ.20 లక్షలతో పాటు డ్రగ్స్, 130 (9mm) బుల్లెట్లను స్వాధీనం చేసుకున్నారు. వివరాల్లోకివెళితే.. రాష్ట్రంలోని అమృత్ సర్, గురుదాస్ పూర్ సరిహద్దుల్లో మన్‌ప్రీత్ సింగ్ అనే అనుమానితుడి కోసం జాతీయ దర్యాప్తు సంస్థ అధికారులు దాడులు నిర్వహించారు.

హిజ్బుల్ ముజాయిద్దీన్ టెర్రర్ గ్రూపుతో కనెక్షన్ ఉన్న రంజిత్ సింగ్, ఇక్భాల్ సింగ్ అనే వ్యక్తులతో అతనికి సంబంధం ఉన్నట్లు సమాచారం. తనిఖీల్లో భాగంగా పాలిథిన్ సంచుల్లో నిల్వఉంచిన హెరాయిన్, రూ.20లక్షలు, 130 బుల్లెట్లు, ఒక కారు, బైక్, కొన్ని డాక్యుమెంట్లను NIA అధికారులు సీజ్ చేశారు.