మూడంతస్తుల రైస్ మిల్లు కూలి నలుగురు కార్మికులు దుర్మరణం..

దిశ, వెబ్ డెస్క్: హర్యానా రాష్ట్రంలో ఘోర ప్రమాదం చోటుచేసుకుంది. కర్నాల్ నగరంలోని తరావూరి వద్ద మూడంతస్తుల శివశక్తి రైస్ మిల్లు ఒక్కసారిగా కుప్పకూలి పోయింది. దీంతో నలుగురు కార్మికులు మృతి చెందగా, మరో 20 మంది తీవ్రంగా గాయపడ్డారు. అది గమనించిన స్థానికులు పోలీసులకు సమాచారం అందించారు. సమాచారం అందుకున్న పోలీసులు వెంటనే అగ్నిమాపక సిబ్బంది తో సంఘటనా స్థలానికి చేరుకుని శిథిలాల కింద చిక్కుకున్న వారిని కాపాడి ఆసుపత్రికి తరలించారు. ప్రమాదం జరిగిన సమయంలో 30 మంది మిల్లులో నిద్రిస్తున్నట్టు సమాచారం. ఈ ఘటనకు సంబంధించిన పూర్తి వివరాలు ఇంకా తెలియాల్సి ఉంది.