లోయలో పడిన ట్రావెల్స్‌ బస్సు.. ఐదుగురు స్పాట్ డెడ్

దిశ, వెబ్ డెస్క్: ఇటీవల కాలంలో దేశంలోని అన్ని రాష్ట్రాల్లో రోడ్డు ప్రమాదాలు పెరిగిపోతున్నాయి. డ్రైవర్ల నిర్లక్ష్యం, అలసట, రోడ్లు సరిగ్గా కనిపించక పోవడం కారణంగా ఈ ప్రమాదాలు చోటు చేసుకుంటుండగా.. ప్రతి రోజు దేశవ్యాప్తంగా వందల సంఖ్యలో ప్రయాణికులు తమ ప్రాణాలు కోల్పోతున్నారు. తాజాగా ఇలాంటి ఘటనే ఒకటి చోటు చేసుకుంది. 23 మంది ప్రయాణికులతో వెళ్తున్న ఓ ట్రావెల్స్ బస్సు లోయలో పడిపోవడంతో ఐదుగురు అక్కడిక్కడే మృతి చెందారు. వివరాల్లోకి వెళితే.. ఈ విషాద సంఘటన బెంగాళ్‌లో చోటు చేసుకుంది. చిలిగురి నుంచి గ్యాంగ్ టక్ వెళ్తుండగా.. అదుపు తప్పిన బస్సు లోయలో పడిపోయింది. ఈ ప్రమాదంలో బస్సులో ఉన్న ఐదుగురు ప్రయాణికులు మృతి చెందగా.. మరో 15 మందికి గాయాలయ్యాయి. అయితే ఈ ప్రమాద సమాచారం అందుకున్న పోలీసులు, అధికారులు హుటాహుటిన సంఘటనా స్థలానికి చేరుకొని.. సహాయక చర్యలు చేపట్టారు. ప్రమాదంలో గాయపడిన వారిని స్థానిక ఆస్పత్రికి తరలించి చికిత్స అంధిస్తున్నారు. కాగా ఈ ప్రమాదానికి గల పూర్తి వివరాలు తెలియ రాలేదు.