Boat Accident : పడవ బోల్తా.. 200 మంది గల్లంతు

దిశ, వెబ్ డెస్క్ : ఉత్తర నైజీరియా(Northern Nigeria)లోని నైజర్​నది(River Niger)లో పడవ బోల్తా పడి కనీసం 200 మంది ప్రయాణికులు గల్లంతు కాగా.. 10 మంది మరణించారు. ప్రయాణికుల్లో ఎక్కువ మంది మహిళలు ఉన్నట్లు తెలుస్తోంది. 'శుక్రవారం ఉదయం తెల్లవారుజామున సుమారు 200 మంది ప్రయాణికులున్న బోటు కోగి రాష్ట్రం నుంచి పొరుగున్న ఫుడ్ మార్కెటింగ్​కు బయలుదేరింది. ఈ సమయంలోనే ప్రమాదవశాత్తు పడవ నైజర్​నదిలో బోల్తా పడింది. దీనితో పడవలో ఉన్న ప్రయాణికులు అందరూ నీటిలో పడిపోయి గల్లంతు అయ్యారు. వారి కోసం ముమ్మరంగా గాలింపు చర్యలు చేపడుతున్నాం' అని నైజర్​స్టేట్ ఎమర్జెన్సీ మేనేజ్​మెంట్ ఏజెన్సీ ప్రతినిధి తెలిపారు. ఓవర్ లోడ్ వల్లనే పడవ బోల్తాపడి ఉంటుందని, పదుల మంది మరణించి ఉంటారని స్థానిక మీడియా కథనాలు వెలువరించింది.