Encounter: జమ్మూకశ్మీర్‌లో ఎన్‌కౌంటర్‌.. ఉగ్రవాది హతం

దిశ, వెబ్ డెస్క్: జమ్మూకశ్మీర్ (Jammu & Kashmir)లో ఇండియన్ ఆర్మీ (Indian Army), స్థానిక పోలీసులు ఉగ్రవాదుల ఏరివేతే టార్గెట్ గా సెర్చ్ ఆపరేషన్ (Search Operation) నిర్వహిస్తున్నారు. ఉగ్రవాదులు ఉన్నారని వారికి వచ్చిన సమాచారం ఆధారంగా శ్రీనగర్ (Sri Nagar) లోని హర్వాన్ ప్రాంతాన్ని జల్లెడ పడుతున్నారు. సోమవారం రాత్రి నుంచి దాచిగామ్ అటవీ ప్రాంతంలో (Dachigam Forest Area) కాల్పులు జరగ్గా.. ఒక ఉగ్రవాది హతమయ్యాడు. హర్వాన్ ఎగువ పర్వత బెల్ట్ లో భద్రతా దళాలు, ఉగ్రవాదుల మధ్య కాల్పులు జరిగినట్లు సోమవారం సాయంత్రం ధృవీకరించారు.

ఉగ్రవాదులు ఉన్నారన్న పక్కా సమాచారం అందడంతో.. కార్డన్ సెర్చ్ నిర్వహించారు. ఆ ప్రాంతంలో భద్రతను మరింత కట్టుదిట్టం చేశారు. మంగళవారం ఉదయం నుంచీ మళ్లీ సెర్చ్ ఆపరేషన్ ప్రారంభించినట్లు జాతీయ మీడియా పేర్కొంది.