బాలిక తల నరికి తీసుకెళ్లిన వరుడికి ఏమైందంటే ?

దిశ, నేషనల్ బ్యూరో : కర్ణాటకలోని కొడుగు జిల్లాలోని సూర్లబ్బి గ్రామంలో దారుణం చోటుచేసుకుంది. ప్రకాశ్ అనే 32 ఏళ్ల యువకుడు.. 16 ఏళ్ల బాలికను దారుణంగా నరికి చంపి, ఆమె తలను పట్టుకుని పరారయ్యాడు. గురువారం సాయంత్రం ఈ ఘటన చోటుచేసుకోగా.. తాజాగా శుక్రవారం మధ్యాహ్నం కొడగు జిల్లా హమ్మియాల గ్రామంలో ప్రకాశ్ డెడ్‌బాడీ లభించింది. బాలికను హత్య చేశాక.. ప్రకాశ్ సూసైడ్ చేసుకొని ఉండొచ్చని పోలీసులు అనుమానిస్తున్నారు.

అసలేం జరిగింది ?

కొన్నాళ్ల క్రితమే ప్రకాశ్‌కు మీనాతో పెళ్లి నిశ్చయమైంది. వీరిద్దరి నిశ్చితార్థం గురువారం ఉదయమే జరిగింది. గుర్తు తెలియని వ్యక్తులెవరో మీనా మైనర్ అంటూ చైల్డ్ హెల్ప్​లైన్​కు సమాచారం అందించారు. దీంతో చైల్డ్ వెల్ఫేర్ డిపార్ట్​మెంట్ అధికారులు మీనా ఇంటికి వచ్చి.. ఆమెకు ఈ ఏజ్‌లో పెళ్లి చేయొద్దని పేరెంట్స్‌కు వార్నింగ్ ఇచ్చి వెళ్లారు. దీనిపై ప్రకాశ్, మీనా కుటుంబ సభ్యులకు కౌన్సెలింగ్ కూడా ఇచ్చారు. దీంతో మీనాకు 18 ఏళ్లు నిండాక ప్రకాశ్​తో పెళ్లి చేయాలని రెండు ఫ్యామిలీలు డిసైడయ్యాయి. ఇది జరిగిన కొన్ని గంటలకే (గురువారం సాయంత్రం 5.30కి) మీనా ఇంటికి ప్రకాశ్ వెళ్లాడు. మీనా తండ్రిని కొట్టాడు. ఆమె తల్లిపై పదునైన ఆయుధంతో దాడి చేశాడు. ఆ తర్వాత మీనాను దాదాపు 100 మీటర్ల మేర బయటికి ఈడ్చుకెళ్లి ఆమె తలను నరికాడు. మొండెంను అక్కడే వదిలేసి తలను తీసుకొని ప్రకాశ్ అక్కడి నుంచి పరారయ్యాడు. తాజాగా శుక్రవారం మధ్యాహ్నం ప్రకాశ్ కూడా విగతజీవిగా పోలీసులకు దొరికాడు.