MLA‌కు నామినేషన్ వేసిన యాచకుడు

దిశ, వెబ్‌డెస్క్: కర్ణాటక ఎన్నికల నామినేషన్ ప్రక్రియలో ఓ వింత ఘటన చోటు చేసుకుంది. కర్ణాటక అసెంబ్లీ ఎన్నికల బరిలో యాచకుడు నిలవడం చర్చనీయాంశమైంది. రాష్ట్రంలోని యాదగిరి పట్టణానికి చెందిన యంకప్ప అనే యాచకుడు ఇండిపెండెంట్ గా పోటీకి దిగుతున్నాడు. గురువారం నామినేషన్ సమర్పించాడు. డిపాజిట్ కింద రూ.10వేలు చెల్లించాడు. ఎన్నికల తేదీ ప్రకటించినప్పటి నుంచి డిపాజిట్ డబ్బుల కోసం బిక్షాటన చేశాడు. చిల్లరనే నామినేషన్ స్వీకరిస్తున్న అధికారులకు ఇచ్చాడు. 2 గంటల కష్టపడి అధికారులు చిల్లరను లెక్కించి నామినేషన్ స్వీకరించినట్లు తెలిపారు. తన పోటీకి గల కారణాన్ని ప్రజలకు ఇప్పటికే చెప్పినట్లు యంకప్ప తెలిపారు.