Flight Passengers: విమాన ప్రయాణికులకు గుడ్ న్యూస్.. ఫ్లైట్స్ లేటైతే ప్యాసింజర్లకు టీ, స్నాక్స్..!

దిశ, వెబ్‌డెస్క్: భారతదేశం(India)లో ప్రస్తుతం చలికాలం(Winter)లో కావడంతో భారీగా పొగమంచు(Fog) కురుస్తున్న విషయం తెలిసిందే. గత కొన్ని రోజులుగా పొగమంచు కారణంగా కొన్ని విమానాలు ఆలస్యంగా నడుస్తున్నాయి. ఈ నేపథ్యంలో డైరెక్టరేట్ జనరల్ ఆఫ్ సివిల్ ఏవియేషన్(DGCA) కీలక నిర్ణయం తీసుకుంది. విమానాలు ఆలస్యమైన సమయంలో ప్రయాణికులకు ఉచితంగా తాగునీరు(Drinking Water), ఆహార పదార్థాల(Food Items) అందించాలని విమాన కంపెనీలకు ఆదేశాలు జారీ చేసింది. విమానం 2 గంటలు ఆలస్యం అయితే వాటర్, 2 నుండి 4 గంటలు లేట్ అయితే టీ/కాఫీ లేదా స్నాక్స్, 4 గంటల కంటే ఎక్కువ ఆలస్యమైతే భోజనం ఉచితంగా ఇవ్వాలని సూచించింది. ఫ్లైట్స్ డిలే అయిన సమయంలో ప్రయాణికులకు సౌకర్యానికి ప్రాధాన్యత ఇవ్వడానికే ఈ నిర్ణయం తీసుకున్నామని DGCA  వెల్లడించింది.