నడిరోడ్డుపై పూజారుల గొడవ (వీడియో)

దిశ, డైనమిక్ బ్యూరో: తమిళనాడులోని కాంచీపురంలో ఆలయ పూజారులు ఒకరినొకరు ఘోరంగా కొట్టుకున్నారు. దీనికి సంబంధించిన వీడియో తాజాగా సోషల్ మీడియాలో వైరల్‌గా మారింది. పూజారులు కొట్టుకోవడం ఏమిటని నెటిజన్లు ఆశ్చర్యం వ్యక్తం చేస్తున్నారు. వివరాల్లోకి వెళితే.. కాంచీపురంలోని వరదరాజ పెరుమాళ్ల ఆలయంలో కనుమ సందర్భంగా పార్వేట ఉత్సవ యాత్ర జరిగింది. ఈ యాత్రలో మొదటి పాట పాడే విషయంలో వివాదం తలెత్తింది. దీంతో పూజారులు వడకలై, టెంకలైలు రెండు వర్గాలుగా విడిపోయి నడిరోడ్డుపై ఒకరిపై మరొకరు దాడి చేసుకున్నారు. మరోవైపు చంపేస్తామని వార్నింగ్‌లు కూడా ఇచ్చుకున్నారు. తర్వాత భక్తులు, పోలీసులు రంగప్రవేశం చేయడంతో వివాదానికి ముగింపు పలికింది.