BREAKING: జాతీయ రహదారిపై ఘోర రోడ్డు ప్రమాదం.. 18 మంది దుర్మరణం

దిశ, వెబ్‌డెస్క్: ఉత్తర్‌ప్రదేశ్‌లోని లక్నో- ఆగ్రా ఎక్స్‌ప్రెస్ హైవేపై ఘోర రోడ్డు ప్రమాదం చోటుచేసుకుంది. బిహార్ నుంచి ఢిల్లీ వెళ్లున్న డబుల్ డెక్కర్ ప్రైవేటు ట్రావెల్స్ బస్సును, భారీ మిల్క్ కంటైనర్‌ ఢీకొట్టింది. ఈ ప్రమాదంలో బస్సులో ఉన్న 18 మంది అక్కడికక్కడే ప్రాణాలు విడిచారు. మరో 30 మందికి తీవ్ర గాయాలయ్యాయి. గమనించిన స్థానికులు క్షతగాత్రులను చికిత్స నిమిత్తం స్థానిక ఆసుపత్రికి తరలించారు. ఈ క్రమంలోనే లక్నో-ఆగ్రా ఎక్స్‌ప్రెస్ హైవే భారీ ట్రాఫిక్ అవుతుండటంలో పోలీసులు ఘటనా స్థలానికి చేరుకుని సహయక చర్యలను ముమ్మురం చేశారు. మృతదేహాలను పోస్ట్‌మార్టం నిమిత్తం స్థానిక ప్రభుత్వాసుపత్రికి తరలించారు. ఈ ఘటనకు సంబంధించి పూర్తి వివరాలు ఇంకా తెలియాల్సి ఉంది.