Bomb Blast: పాక్‌ రైల్వేస్టేషన్‌లో పేలుడు.. 16 మంది మృతి
పాకిస్తాన్ లోని క్వెట్టా రైల్వే స్టేషన్లో భారీ పేలుడు సంభవించింది. ఈ పేలుడులో 16 మంది మరణించగా.. మరో 30 మంది గాయపడినట్లు అక్కడి మీడియా తెలిపింది.
దిశ, వెబ్ డెస్క్: ఉగ్రవాదానికి కేరాఫ్ అడ్రస్ గా పేరు తెచ్చుకున్న పాకిస్థాన్(Pakistan).. మరోసారి బాంబు పేలుడుతో దద్దరిల్లింది. క్వెట్టా రైల్వే స్టేషన్ (quetta railway station) సమీపంలో భారీ బాంబు పేలుడు జరగ్గా.. 16 మంది మరణించినట్లు అక్కడి మీడియా వెల్లడించింది. క్వెట్టా నుంచి పెషావర్ కు రైలు వెళ్తున్న క్రమంలో ఈ పేలుడు జరిగింది. బ్లాస్ట్ లో 30 మందికి గాయాలైనట్లు తెలుస్తోంది. కాగా.. ఘటనా ప్రాంతానికి చేరుకున్న పోలీసులు, అధికారులు.. ఈ దాడిని ఆత్మాహుతి దాడిగా అనుమానిస్తున్నారు. ఇది ఆత్మాహుతా ? లేక బాంబ్ బ్లాస్టా అన్నదానిపై ఇప్పుడే నిర్థారణకు రాలేమని తెలిపారు. ప్రమాదంలో మృతుల సంఖ్య మరింత పెరగవచ్చని తెలిపారు.