యూట్యూబ్‌లో చూస్తూ కాన్పు చేసుకున్న 15 ఏళ్ల బాలిక.. పసి బిడ్డ గొంతు నులిమి..

దిశ, వెబ్‌డెస్క్: 15 ఏళ్ల ఓ బాలిక దారుణానికి ఒడిగట్టింది. యూట్యూబ్ లో చూస్తూ ఇంట్లో సొంతంగా కాన్పు చేసుకుని.. పుట్టిన బిడ్డను గొంతు నులిమి చంపేసింది. ఈ దారుణ ఘటన మహారాష్ట్రలోని నాగ్‌పూర్‌లో చోటు చేసుకుంది. స్థానిక అంబజారీ ప్రాంతానికి చెందిన బాలికకు సోషల్ మీడియాలో ఓ వ్యక్తి పరిచయమయ్యాడు. ఆ వ్యక్తితో బాలికకు మాయ మాటలు చెప్పి లైంగికంగా దగ్గరయ్యాడు.

ఫలితంగా బాలిక గర్భం దాల్చింది. ఆ విషయాన్ని దాచిన బాలిక పొట్ట పెద్దగా కనిపించే విషయంలో తల్లికి అనారోగ్యం కారణమని నమ్మించింది. డెలివరీ ఎలా చేసుకోవాలో యూట్యూబ్ వీడియోలను చూస్తూ అవగాహన పెంచుకుంది. ఈ నెల 2న ఇంట్లో ఎవరూ లేని సమయంలో ఆడబిడ్డకు జన్మనిచ్చింది. వెంటనే పసిగుడ్డును గొంతునులిమి చంపేసింది. ఇంట్లో ఓ బాక్స్‌లో మృతదేహాన్ని దాచింది. ఇంటికి చేరుకున్న తల్లి అనారోగ్య స్థితిలో ఉన్న బాలికను ప్రశ్నించడంతో అసలు విషయం చెప్పింది. శిశువు మృతదేహాన్ని పోలీసులు పోస్టు మార్టం నిమిత్తం హాస్పిటల్ కు తరలించారు.