జాతరలో అపశృతి!.. కుప్పకూలిన 120 అడుగుల భారీ రథం (వీడియో)

దిశ, డైనమిక్ బ్యూరో: బెంగళూరులో సమీపంలోని మద్దూరమ్మ జాతరలో 120 అడుగుల భారీ రథం కుప్పకూలింది. బెంగళూరు అనేకల్ తాలూకాలోని హస్కూరులో ప్రతి సంవత్సరం మద్దూరమ్మ జాతర జరుపుకుంటారు. ఈ జాతరలో భాగంగా 10 గ్రామాల ప్రజలు పెద్ద పెద్ద రధాలను అలంకరించి ఊరేగిస్తారు. అలాగే ఈ సంవత్సరం కూడా జాతర కోసం అన్ని ఏర్పాట్లు చేసుకున్నారు. ఊరేగింపు కోసం నాలుగు రథాలు ఏర్పాటు చేసి.. ఈ రథాలను ట్రాక్టర్లు, ఎద్దులతో లాగడానికి సిద్ధం చేసి ఉంచారు. ఇందులో భాగంగా ఈ సంవత్సరం 120 అడుగుల భారీ రథాన్ని అలంకరించి తాళ్ల సాయంతో పైకి లేపారు. అనంతరం పట్టు కోల్పోయిన రథం ఒక పక్కగా ఒరిగి.. ఒక్కసారిగా కుప్పకూలింది. దీంతో భయాందోళనకు గురైన భక్తులు పరుగులు తీశారు. అదృష్టవషాత్తు భక్తులు ఎవరికి ఎటువంటి ప్రమాదం జరగలేదు.