నియంతను కట్టడి చేసి ఏపీని కాపాడుకుందాం: లోకేష్ పిలుపు

దిశ, వెబ్‌డెస్క్: నియంతను కట్టడి చేద్దాం ఆంధ్రప్రదేశ్‌ని కాపాడుకుందామని టీడీపీ జాతీయ కార్యదర్శి నారా లోకేశ్ ట్విట్టర్ మాధ్యమంగా పిలుపునిచ్చారు. ఆంధ్రప్రదేశ్‌లో త్వరలో స్థానిక సంస్థల ఎన్నికలు జరగనున్న నేపథ్యంలో అధికార, విపక్ష పార్టీలు పరస్పర విమర్శలు, ప్రత్యారోపణలతో ప్రజలకు చేరువయ్యే ప్రయత్నం చేస్తున్నాయి.

ఈ నేపథ్యంలో ఎవరికి వారు తమను గెలిపించాలంటే తమనే గెలిపించాలని ప్రచారం చేస్తున్నారు. ఈ క్రమంలో మాజీ మంత్రి నారా లోకేశ్ తన ట్విట్టర్ మాధ్యమంగా ‘నియంతను కట్టడి చేద్దాం.. ఆంధ్రప్రదేశ్ ని కాపాడుకుందాం’ అంటూ ట్వీట్ చేసి దానికి జగన్ ఫెయిల్డ్ సీఎం అంటూ హ్యాష్ ట్యాగ్ జోడించారు. దానికి ‘ఒక్క ఛాన్స్ అడిగాడు.. నట్టేట ముంచాడు.. విధ్వంసం చేశాడు’ అంటూ పది ప్రశ్నల జాబితాను షేర్ చేశారు.

tags: ap, politics, tdp, nara lokesh, twitter, cm jagan