మర్డర్ స్కెచ్.. స్నేహం ముసుగులో కత్తితో దాడి..!

దిశ, జల్‌పల్లి : స్నేహితుడిపై కత్తితో దాడి చేసి హత్యాయత్నానికి ప్రయత్నించిన వ్యక్తిని బాలాపూర్​పోలీసులు అరెస్ట్ చేసి రిమాండ్‌కు తరలించారు. బాలాపూర్​ఇన్‌స్పెక్టర్​ భాస్కర్​కథనం ప్రకారం.. బండ్లగూడకు చెందిన మహ్మద్ మూసా, తయ్యబా కాలనీకి చెందిన మహ్మద్​జబ్బార్‌లు స్నేహితులు. వీరి మధ్య ఉన్న పాత కక్ష్యలు ఉన్నట్టు సమాచారం.

ఈ నేపథ్యంలోనే మహ్మద్​జబ్బార్..​మహ్మద్​మూసాను ఎలాగైనా మట్టుబెట్టాలని ప్లాన్ చేశాడు. నీతో మాట్లాడేది ఉందంటూ ఈ నెల 23వ తేదీన అర్థరాత్రి ముసాను పిలిచాడు. పథకం ప్రకారం వెంట తెచ్చుకున్న కత్తితో ముసాపై ముఖం, తల భాగాలపై దాడి చేశాడు. తీవ్రంగా గాయపడిన ముసా అతని నుంచి తప్పించుకుని బాలాపూర్​పోలీసులకు ఫిర్యాదు చేశాడు. బాధితుడి ఫిర్యాదు మేరకు కేసు నమోదు చేసిన బాలాపూర్ పోలీసులు పరారీలో ఉన్న మహ్మద్​జబ్బార్‌ను మంగళవారం అరెస్ట్ చేసి రిమాండ్‌కు తరలించారు.