సీఎం జగన్‌కు ఆర్ఆర్ఆర్ హెచ్చరిక..
దిశ, వెబ్‌డెస్క్ : ఏపీ పాలిటిక్స్‌లో రాజకీయం రోజుకో కొత్త రంగుపులుముకుంటోంది. ఇన్నిరోజులు అధికారపార్టీ నాయకులకు, సీఎం జగన్‌కు పక్కలో బళ్లెంలా మారిన నరసాపురం ఎంపీ రఘురామకృష్ణం రాజు మంగళవారం సంచలన వ్యాఖ్యలు చేశారు. సీఎం వైఎస్ జగన్ అవినీతి రహిత పాలన అందిస్తానని రాష్ట్ర ప్రజలకు మాటిచ్చారు. అదేవిధంగా తన మార్క్ పాలనను అందిస్తూ వస్తున్నారు.అయితే, సీఎం జగన్ తన చుట్టూ ఉండే కట్టప్పలను గుర్తించాలని, లేనియెడల ప్రమాదంలో పడుతారని ఆర్ఆర్ఆర్ హెచ్చరించారు. ‘అవినీతిని ఏమాత్రం […]
దిశ, వెబ్‌డెస్క్ : ఏపీ పాలిటిక్స్‌లో రాజకీయం రోజుకో కొత్త రంగుపులుముకుంటోంది. ఇన్నిరోజులు అధికారపార్టీ నాయకులకు, సీఎం జగన్‌కు పక్కలో బళ్లెంలా మారిన నరసాపురం ఎంపీ రఘురామకృష్ణం రాజు మంగళవారం సంచలన వ్యాఖ్యలు చేశారు.
సీఎం వైఎస్ జగన్ అవినీతి రహిత పాలన అందిస్తానని రాష్ట్ర ప్రజలకు మాటిచ్చారు. అదేవిధంగా తన మార్క్ పాలనను అందిస్తూ వస్తున్నారు.అయితే, సీఎం జగన్ తన చుట్టూ ఉండే కట్టప్పలను గుర్తించాలని, లేనియెడల ప్రమాదంలో పడుతారని ఆర్ఆర్ఆర్ హెచ్చరించారు. ‘అవినీతిని ఏమాత్రం ప్రోత్సహించని ముఖ్యమంత్రిగా మీకు పేరుంది, కానీ మీ పక్కనే ఉంటూ.. అవినీతికి పాల్పడుతున్న కట్టప్పను మీరు పట్టుకుని తీరాలి. సినిమాలో బాహుబలిని కట్టప్ప పొడిచేశాడు. మీ చుట్టూ ఉన్న ఈ కట్టప్పను మీరు కనిపెట్టాలి. లేదంటే ప్రజల్లో మీ మీద, మీ పాలన మీద ప్రజల్లో ఉన్న నమ్మకం పోతుందని వివరించాడు.
మీపై ఉన్న విశ్వసనీయతను కాపాడుకోవాలంటే.. అతి త్వరలో ఆ కట్టప్పను పట్టుకుని శిక్షించాలి. అలాంటి కట్టప్పలు మీ చుట్టూ చాలా మందే ఉన్నారు. మీ పక్కన ఉంటూ పనికిరాని మాటలు చెబుతూ, వారిపై వీరిపై చాడీలు చెబుతూ.. ప్రజలను నిలువెత్తు దోపిడీ చేస్తున్నారని చెప్పుకొచ్చారు. ఇప్పటికైనా జగన్ వారిని గుర్తించి శిక్షిస్తారని ఆశిస్తున్నానంటూ ఎంపీ రఘురామ కృష్ణం రాజు పేర్కొన్నారు.