Vishwak Sen: ఎన్టీఆర్‌ లుక్ గురించి యూట్యూబర్ షాకింగ్ కామెంట్స్.. విశ్వక్ సేన్ స్ట్రాంగ్ కౌంటర్ (పోస్ట్)

Vishwak Senదిశ, సినిమా: యంగ్ టైగర్ ఎన్టీఆర్, కొరటాల శివ కాంబోలో తెరకెక్కుతున్న తాజా చిత్రం ‘దేవర’. ఈ సినిమా రెండు పార్టులుగా ప్రేక్షకుల ముందుకు రాబోతున్న సంగతి తెలిసిందే. మొదటి భాగంలో ఎన్టీఆర్ సరసన జాన్వీ కపూర్ నటిస్తోంది. ఈ సినిమాతోనే ఈ అమ్మడు టాలీవుడ్ ఇండస్ట్రీకి పరిచయం కాబోతుంది. అయితే ఇప్పటికే దేవర నుంచి విడుదలైన అప్డేట్స్ అన్ని భారీ హైప్‌ను క్రియేట్ చేశాయి. ఇక ఇటీవల విడుదలైన దేవర ట్రైలర్ అంచనాలను డబుల్ చేసింది.

ఈ క్రమంలో.. ఓ ఇద్దరు యూట్యూబర్స్ నెగిటివ్ రివ్యూలు ఇవ్వడంతో పాటుగా ఎన్టీఆర్ లుక్‌పై షాకింగ్ కామెంట్స్ చేశారు. ‘ట్రైలర్ చూడబుద్ధి కాలేదు.. అది అసలు ఏమంతా ఇంపాక్ట్ క్రియేట్ చేయలేదనిపిస్తోంది. ఆయన లుక్స్ కూడా బాలేవు’ అని చెప్పుకొచ్చారు. ఇక ఈ వీడియో చూసిన విశ్వక్ సేన్ ఆ ఇద్దరికీ అదిరిపోయే కౌంటర్ వేస్తూ ట్విట్టర్ వేదికగా ఓ పోస్ట్ పెట్టాడు.

‘‘ నా పేరు ఖరాబు చేయడానికే పుట్టాడు వీడు. నువ్వు ఫస్ట్ గోడ సపోర్ట్ లేకుండా 2 నిమిషాలు కూర్చో తర్వాత సినిమాని, ఆడియన్స్‌ను ఉద్దరిద్దువు కానీ. కాలుతుంది నాకు కానీ ఆల్రెడీ నీ ఫేస్ కాలి పోయినట్టే ఉంది. ఏం చేద్దాం నువ్వే మాట్లాడాలి ఇగ అందం గురించి’’ అని రాసుకొచ్చాడు. ఇక విశ్వక్ పోస్ట్ చూసిన ఎన్టీఆర్ ఫ్యాన్స్ నువ్వు సూపర్ అన్న వాళ్లకు తగిన బుద్ధి చెప్పారు అని కామెంట్లు పెడుతున్నారు.