Nikhil Siddharth: ఆయ్ మూవీ పెద్ద హిట్ అవ్వాలని కోరుకుంటున్నా.. అందరూ చూడాలంటూ హీరో నిఖిల్ రిక్వెస్ట్!

దిశ, సినిమా: నార్నే నితిన్, నయన్ సారికలు హీరో హీరోయిన్లు నటిస్తున్న తాజా చిత్రం ‘ఆయ్’. ఈ చిత్రాన్ని GA2 పిక్చర్స్ బ్యానర్‌లో అల్లు అరవింద్ సమర్పణలో తెరకెక్కుతోంది. అయితే దీనికి బన్నీ వాస్, విద్యా కొప్పినీడు నిర్మాతలుగా వ్యవహరిస్తున్నారు. ఈ సినిమాకు అంజి కే మణిపుత్ర దర్శకత్వం వహించగా.. ఆగస్టు 15న ఈ చిత్రాన్ని గ్రాండ్‌గా విడుదల చేయనున్నారు. తాజాగా, ఆయ్ మేకర్స్ ఈ మూవీ ప్రీరిలీజ్ ఈవెంట్‌ను నిర్వహించారు. ఈ కార్యక్రమానికి హీరో నిఖిల్, హీరోయిన్ శ్రీలీల గెస్టులుగా విచ్చేసి బిగ్ టికెట్‌ను లాంచ్ చేశారు. ఈ ఈవెంట్‌లో..

అల్లు అరవింద్ మాట్లాడుతూ.. ‘ఆయ్ సినిమా ఆగస్టు 15న సాయంత్రం రిలీజ్ చేయబోతున్నాం. మా ఈవెంట్‌కు వచ్చిన నిఖిల్, శ్రీలీల గారికి థాంక్స్. కొడితే పది మంది కింద పడే కథ కాదు కదా? అని అడిగాను. ఏ ఫ్యామిలీ నుంచి వచ్చినా ఎవరి కష్టం వారు పడాలి అని ఎన్టీఆర్ గారు అన్నారట. అలా నితిన్ ఈ సినిమా కోసం చాలా కష్టపడ్డాడు. నయన్ సారిక ఈ చిత్రంలో చాలా బాగా నటించింది. వినోద్ గారు చాలా ఏళ్ల తర్వాత మంచి క్యారెక్టర్ చేశారు. కసిరాజు, అంకిత్ ఇద్దరూ అద్భుతంగా నటించారు. వీళ్లలో ఇంత మంచి నటులున్నారా? అని అనుకుంటారు. అంజితో నాకు బన్నీ వాస్ కథ చెప్పించాడు. కథ బాగానే చెప్పాడు.. కానీ ఎలా తీస్తాడో అని అనుకున్నా. నాది గ్యారంటీ అని బన్నీ వాస్ అన్నారు. కానీ పది కోట్ల గ్యారెంటీ ఎవరు ఇస్తారు. అంజి చాలా అద్భుతంగా తీశారు. నేను ఈ సినిమాను చూశాను.

ఫుల్లుగా ఎంజాయ్ చేసి ఓ ఎమోషన్‌తో బయటకు వస్తారు’ అని అన్నారు. అనంతరం హీరో నిఖిల్ మాట్లాడుతూ.. ‘స్వయంభు షూటింగ్ వల్ల బయటకు రాలేకపోతున్నాను. సోషల్ మీడియాలో ఆయ్ సందడి ఎక్కువగా కనిపిస్తుంది. రోడ్డు మీద ఫుడ్ తింటూ నితిన్ గారు ప్రమోట్ చేశారు. ఓ మంచి సినిమా, యంగ్ టీం ముందుకు వచ్చినప్పుడు సపోర్ట్ చేయాలని ఇక్కడకు వచ్చాను. జాతి రత్నాలు, మ్యాడ్, బేబీ మేకర్స్ ఇక్కడకు వచ్చారు. చిన్న చిత్రం కూడా వంద కోట్లు కొల్లగొట్టవచ్చని నిరూపించారు. ఆయ్ కూడా ఆ కోవలోనే బ్లాక్ బస్టర్ అవ్వాలని కోరుకుంటున్నాను. మ్యాడ్ తర్వాత నితిన్‌కు మళ్లీ మంచి చిత్రం పడింది. కసిరాజు, అంకిత్, సారికల మ్యాజిక్ చూడాలని కోరుకుంటున్నాను. ఆగస్టు 15న చిత్రం రాబోతుంది. అందరూ చూడండి’ అని అన్నారు.