చంద్రబాబుకే అలాంటి పరిస్థితి వస్తే.. నాలాంటి సామాన్యుల పరిస్థితి ఏంటని భయమేస్తుంది: విశాల్

దిశ,వెబ్ డెస్క్: విశాల్ నటించిన 'మార్క్ ఆంటోని’ సినిమా రికార్డ్ కలెక్షన్స్ తో దూసుకెళ్తుంది. ఈ సంధర్భంగా హైదరాబాద్‌లో సక్సెస్ సెలబ్రేషన్స్ తో పాటు ప్రెస్ మీట్ కూడా నిర్వహించారు . ఈ ఫంక్షన్లో హీరో విశాల్‌తో పాటు ఎస్.జె.సూర్య, సునీల్, దర్శకుడు అధిక్ రవిచంద్రన్ పాల్గొన్నారు. మీడియా అడిగిన పలు ప్రశ్నలకు వీరంతా సమాధానాలు ఇచ్చారు.

చంద్రబాబు నాయుడును అరెస్ట్‌ను రజనీకాంత్ లాంటి తమిళ స్టార్స్ వ్యతిరేకిస్తున్నారని.. జగన్ ప్రభుత్వాన్ని విమర్శిస్తున్నారని.. మీరు జగన్ అభిమాని కదా మీ అభిప్రాయం ఏంటని విశాల్‌ను అడిగారు. దీనికి విశాల్ స్పందిస్తూ.. నేను జగన్‌ను ఎంతగా అభిమానించినా ఈ అరెస్ట్ విషయంలో ప్రభుత్వం ఒకసారి ఆలోచించి ఉండాల్సిందని అభిప్రాయపడ్డారు. చంద్రబాబు లాంటి వ్యక్తినే అరెస్ట్ చేస్తే నాలాంటి సామాన్యుల పరిస్థితి ఏంటని అన్నారు.