హీరో అవ్వకపోతే ఈ ఉద్యోగం చేసేవాడిని: విజయ్ దేవరకొండ

దిశ, సినిమా: డేర్ అండ్ డాషింగ్ హీరో విజయ్ దేవరకొండ గురించి సుపరిచితమే. అర్జున్ రెడ్డి సినిమాతో యువతలో ఫుల్ ఫాలోయింగ్ సంపాదించుకున్నాడు. సూపర్ స్టైలిష్ గా, మాస్ గా కనిపించి ప్రేక్షకులను ఆకట్టుకున్నాడు. విజయ్ మాట్లాడే విధానం, వ్యక్తిత్వంతో కోట్లలో ఫ్యాన్స్ ఏర్పడ్డారు. ప్రస్తుతం విజయ్ దేవరకొండ ‘ఫ్యామిలీ స్టార్’ సినిమాతో ప్రేక్షకులను అలరించేందుకు సిద్ధంగా ఉన్నాడు.

ఇప్పటికే ఈ మూవీ నుంచి రిలీజైన పోస్టర్లు, గ్లింప్స్ కు ఆడియన్స్ నుంచి మంచి రెస్పాన్స్ దక్కింది. అయితే తాజాగా టాలీవుడ్ హీరోయిన్ సమంత హోస్ట్ గా వ్యవహరించిన సామ్ ‘జామ్ టాక్’ షోలో విజయ్ దేవరకొండ తన కలల గురించి వెల్లడించాడు. ఈ హీరో ఒకవేళ హీరో అవ్వకపోతే.. ఎలక్ట్రికల్ వెహికిల్స్ కు సంబంధించిన ప్రొఫెషన్ లో ఉండేవాడిని అని చెప్పుకొచ్చాడు.

ప్రస్తుతం విజయ్ కామెంట్స్ సోషల్ మీడియాలో వైరల్ అవ్వగా.. బెస్ట్ ఆప్షన్ అంటూ రౌడీ హీరోను పొగడ్తలతో ముంచెత్తుతున్నారు ఫ్యాన్స్. ఇక విజయ్ దేవరకొండ క్యారెక్టర్ ఆర్టిస్టుగా కెరీర్ ప్రారంభించి.. నోటా, ఏ మంత్రం వేసావే, డియర్ కామ్రేడ్, గీత గోవిందం, వరల్డ్ ఫేమస్ లవర్, టాక్సీవాలా, అర్జున్ రెడ్డి, లైగర్ వంటి సినిమాల్లో హీరోగా అవకాశం దక్కించుకుని, స్టార్ హీరోల జాబితాలో చేరాడు.