కత్రినకు షాక్ ఇచ్చిన విక్కీ.. ఆమెతో రొమాన్స్ ఫొటోలు లీక్!

దిశ, సినిమా: బాలీవుడ్ హీరో విక్కీ కౌశల్ ప్రస్తుతం ఆనంద్ తివారి దర్శకత్వంలో ఓ సినిమా చేస్తున్న విషయం తెలిసిందే. కరణ్ జోహార్ నిర్మిస్తున్న ఈ మూవీ టైటిల్ ఇంకా అధికారికంగా ప్రకటించలేదు. కానీ షూటింగ్ మాత్రం శరవేగంగా జరుపుకుంటోంది. ఈ క్రమంలోనే ప్రస్తుతం క్రొయేషియాలో రొమాంటిక్ సాంగ్‌ చిత్రీకరణ జరుగుతుండగా.. సెట్స్ నుంచి లీకైన కొన్ని ఫొటోలు సోషల్ మీడియాలో చక్కర్లు కొడుతున్నాయి.

ఫరా ఖాన్ కొరియోగ్రఫీ చేస్తున్న ఈ సాంగ్‌లో తెల్లటి దుస్తులు ధరించి విక్కీ కనిపించగా హీరోయిన్‌గా నటిస్తున్న త్రిప్తి డిమ్రీ ఎల్లో కలర్ క్రాప్ టాప్‌తో పాటు రఫుల్ లాంగ్ స్కర్ట్‌లో దర్శనమిచ్చింది. కాగా షూట్‌లో భాగంగా నటిని ఎత్తుకోవడం, మీద పడుకోబెట్టుకోవడం వంటి స్టిల్స్ చూసిన నెటిజన్లు ఇద్దరి కెమిస్ట్రీ బాగుందంటూ పొగిడేస్తూనే.. కత్రినకు అన్యాయం చేయొద్దంటూ విక్కీపై ఫన్నీ కామెంట్లు చేస్తున్నారు. ఇక ఫొటోలు లీకైన విషయాన్ని గుర్తించిన హీరో తనే స్వయంగా నెట్టింట పోస్ట్ చేయడం వివేషం.