ఊరి పేరు భైరవకోన డిజిటల్ రైట్స్‌ను దక్కించుకున్న ప్రముఖ ఓటీటీ సంస్థ

దిశ, సినిమా: టాలీవుడ్ యంగ్ హీరో సందీప్ కిషన్ నటించిన మిస్టరీ థ్రిల్లర్ చిత్రం ‘ఊరి పేరు భైరవకోన’. వీఐ ఆనంద్ దర్శకత్వంలో తెరకెక్కిన ఈ సినిమా ఫిబ్రవరి 16 వ తేదీన థియేటర్లలో గ్రాండ్ రిలీజ్ కానుంది. హీరో సందీప్ కిషన్ సరసన వర్ష బొల్లమ్మ నటించగా.. కావ్య థాపర్, రాజశేఖర్ అనింగి, హర్హ చెముడు, వెన్నెల కిషోర్ తదితరులు ముఖ్యపాత్రల్లో కనిపించనున్నారు.

ఎకె ఎంటర్‌టైన్‌మెంట్స్ ఈ చిత్రాన్ని ప్రతిష్టాత్మకంగా సమర్పణలో హాస్య సినిమాస్ బ్యానర్‌పై రాజేష్ దండా నిర్మిస్తున్నారు. శేఖర్ చంద్ర సంగీతాన్ని సమకూర్చే ఈ సినిమా డిజిటల్ రైట్స్‌ను తాజాగా ఆహా వీడియో దక్కించుకున్నట్లు సోషల్ మీడియాలో టాక్ వినిపిస్తోంది. ఈ వార్త ఎంతవరకు నిజమో తెలియదు కానీ ప్రస్తుతం సోషల్ మీడియాలో వైరల్ అవుతుంది.