విశాఖ బీచ్‌లో ఉపాసన, క్లిన్ కారాతో రామ్ చరణ్ సందడి

దిశ ప్రతినిధి, విశాఖపట్నం : మెగా హీరో రాంచరణ్ వైజాగ్ బీచ్‌లో సందడి చేశారు. ఓ షూటింగ్ కోసం భార్య ఉపాసన, కుమార్తె క్లిన్ కారాతో కలసి విశాఖ వచ్చిన చరణ్.. సాయంత్రం సమయంలో బీచ్‌లో కుటుంబ సమేతంగా గడిపారు. సముద్రంలో మత్స్యకారులు సంప్రదాయ వలల ద్వారా చేపలు పట్టే తీరును పరిశీలించారు. చేపల వేట, వారుపడే కష్టాన్ని అడిగి తెలుసుకున్నారు. అనంతరం మత్స్యకారులతో కాసేపు సరదాగా ముచ్చటించారు. సముద్రంలో ఒడ్డున ఉండే చిన్న పాటి కొండపై సేదతీరి అందరినీ ఆశ్చర్చపరచారు. కూతురు క్లిన్ కారాతో సముద్రం నీటిలో ఆడుకున్నారు. రామ్ చరణ్ అంతటి స్టార్ హీరో సామాన్యుడిలా బీచ్‌లో విహరించడం అందరినీ ఆకట్టుకుంది. మెగా ఫ్యామలీని చూడటానికి స్థానికులు భారీగా తరలివచ్చారు.