బెంగళూర్ చేరుకున్న తారక్, కళ్యాణ్ రామ్.. వీడియో

దిశ, సినిమా: నటుడు తారకరత్న కుప్పంలో పాదయాత్రలో పాల్గొంటున్న సమయంలో గుండెపోటుకు గురైన సంగతి తెలిసిందే. ప్రస్తుతం నటుడు నారాయణ హృదయాలయ హాస్పిటల్ ఐసీయూలో ఉన్నారు. ఆయన ఆరోగ్య పరిస్థితి నిలకడగా ఉందని, అయితే కోలుకోవడానికి ఇంకా సమయం కావాలని ఆస్పత్రి వైద్యులు తెలియజేశారు. టీడీపీ అధినేత నారా చంద్రబాబు నాయుడు శనివారం రాత్రి ఆస్పత్రికి వెళ్లి తారకరత్న కుటుంబ సభ్యులతో మాట్లాడారు. 'తారకరత్న ప్రస్తుతం ఐసీయూలో అబ్జర్వేషన్‌లో ఉన్నారని, అవసరమైన అన్ని జాగ్రత్తలు తీసుకుంటున్నారు. ఆయన త్వరగా కోలుకోవాలని దేవుని ప్రార్థిస్తున్నా' అని చంద్రబాబు తెలిపారు. ఆదివారం ఉదయమే ఎన్టీఆర్, కళ్యాణ్ రామ్ కూడా నారాయణ హృదయాలయానికి చేరుకున్నారు. తారక్‌తో పాటు ఆయన సతీమణి లక్ష్మీ ప్రణతి, కళ్యాణ్ రామ్ భార్య స్వాతి కూడా ఆస్పత్రికి వచ్చారు.