'ఊహకు అందనిది'.. చిత్ర గానంతో మూవీ గ్రాండ్ లాంచ్

దిశ, సినిమా : 'ఊహకు అందనిది' సినిమా 'అమ్మోరు', 'అరుంధతి' చిత్రాలకు ఏమాత్రం తీసిపోని విధంగా ఉంటుందన్నారు మేకర్స్. యం.యన్.ఆర్. ఆర్ట్స్ బ్యానర్‌పై తెరకెక్కుతున్న సినిమాకు యం. నాగేంద్ర దర్శకులు కాగా.. ప్రముఖ గాయని చిత్ర పాడిన 'శ్రీ రాముడా.. కృష్ణుడా.. ఈశ్వరుడా ' పాట ద్వారా గ్రాండ్‌గా లాంచ్ చేశారు.

భారీ గ్రాఫిక్స్, హై టెక్నికల్ వాల్యూస్‌తో నిర్మించబోతున్న సినిమా టైటిల్ మాదిరిగానే ఇమాజినేషన్‌కు అందకుండా ఉంటుందన్నారు. ప్రీ ప్రొడక్షన్ వర్క్ భారీ స్థాయిలో జరుగుతోందని, ఏప్రిల్‌లో షూటింగ్ ప్రారంభించి డిసెంబర్‌లో చిత్రాన్ని పూర్తి చేస్తామని తెలిపారు. ఇందుకోసం హైదరాబాద్, చెన్నయ్‌లో భారీ ఎత్తున సెట్టింగ్స్‌ వేస్తున్నట్లు చెప్పారు. కాగా జనవరిలో సినిమాను విడుదల చేసే ప్లాన్‌లో ఉన్నామని వివరించారు మేకర్స్.