సంక్రాంతి వేళ ‘గుంటూరు కారం’ కలెక్షన్ల సునామీ.. రెండ్రోజుల్లో రూ.100 కోట్లు క్రాస్

దిశ, సినిమా: సూపర్ స్టార్ మహేశ్ బాబు - మాటల మాంత్రికుడు త్రివిక్రమ్ కాంబినేషన్‌లో వచ్చిన గుంటూరు కారం సినిమా మిక్స్‌డ్ టాక్ తెచ్చుకున్నది. సంక్రాంతి పండుగ సందర్భంగా విడుదలైన ఈ చిత్రానికి తొలిరోజే రూ.90 కోట్లకు పైగా కలెక్షన్లు రాబట్టి మహేశ్ బాబు కెరీర్‌లోనే తొలిరోజు అత్యధిక కలెక్షన్లు రాబట్టిన సినిమాగా రికార్డు సృష్టించింది. ఇక శనివారమైన రెండోరోజు కాస్త తగ్గి రూ.30 కోట్లకు పైగా కొల్లగొట్టినట్లు తెలుస్తోంది. మొత్తంగా రెండ్రోజుల్లో రూ.127 కోట్లు సాధించినట్లు సమాచారం. అత‌డు, ఖ‌లేజా సినిమాల త‌ర్వాత వీరిద్దరి కాంబినేషన్‌లో ఈ సినిమా రావ‌డంతో అభిమానుల్లో భారీ అంచనాలు ఏర్పడ్డాయి. ఆ అంచనాలను తలకిందులు బాక్సాఫీస్ వ‌ద్ద దూసుకుపోతుంది. సూర్యదేవర నాగవంశీ తెరకెక్కించిన ఈ సినిమాలో శ్రీలీల హీరోయిన్‌గా నటించింది.