బాలీవుడ్ స్టార్ కిడ్ బర్త్ డే వీడియోపై ట్రోలింగ్..

దిశ, వెబ్‌డెస్క్: బాలీవుడ్‌ నటుడు అనిల్‌ కపూర్‌ కూతురు సోనమ్‌ కపూర్‌. ఒక స్టార్ హీరో కూతురుగా ఇండస్ట్రీలోకి అడుగుపెట్టిన ఈమె తన అందం, అభినయం, అద్భుతమైన నటనతో ఎన్నో సినిమాల్లో నటించి ప్రేక్షకుల ఆదరణ పొందింది. 'సవారియా' సినిమాతో హీరోయిన్‌గా పరిచయమైన ఈ బ్యూటీ.. 'నీర్జా' మూవీతో మంచి గుర్తింపును సంపాదించుకుంది. మూడేళ్ల కింద ఆనంద్ అహూజాను పెళ్లి చేసుకున్న సోనమ్ ప్రస్తుతం గర్భిణి. సోనమ్‌కపూర్ తన బర్త్‌ డే సందర్భంగా భర్త ఆనంద్‌ అహుజాను వెంట వేసుకొని రోడ్లపై సరదాగా తిరుగుతూ అతనికి ముద్దులు పెట్టింది. ఆ వీడియోను తన ఇన్‌స్టాగ్రామ్ లో పోస్ట్ చేయడంతో నెటిజన్స్ కొందరు విషెస్ చెబుతున్నారు. కానీ ఇంకొందరు మాత్రం ఇద్దరూ భార్యభర్తలే కదా రోడ్డు మీద ఏంటీ ఈ ఆరాచకం అన్నట్లుగా కామెంట్లు చేస్తున్నారు.