ఆగస్టు 4న వస్తున్న ట్రయాంగిల్ లవ్ స్టోరీ ‘దిల్ సే’

దిశ, సినిమా: శ్రీ చైతన్య క్రియేషన్స్, శ్రీరామ్ క్రియేషన్స్ బ్యానర్‌పై మంకల్ వీరేంద్ర, రవికుమార్ సబ్బాని స్వీయ దర్శకత్వంలో వస్తున్న సినిమా ‘దిల్ సే’. అభినవ్ మదిశెట్టి, స్నేహ సింగ్ హీరో హీరోయిన్లుగా ట్రయాంగిల్ లవ్ స్టోరీతో వస్తోన్న ఈ మూవీ తాజాగా షూటింగ్ పూర్తి చేసుకుని ఆగస్టు 4న థియేటర్స్‌లో విడుదల కాబోతోంది.

ఈ మేరకు ఇటీవల విడుదలైన ఈ సినిమా మొదటి సాంగ్ ‘రెండు కన్నులతో’కు మంచి స్పందన లభించింది. లహరి మ్యూజిక్ ద్వారా విడుదలైన ఈ పాట 2 మిలియన్ వ్యూస్‌కు చేరుకుంది. శ్రేయ ఘోషల్ పాడిన ఈ పాటకు నూతన సంగీత దర్శకుడు శ్రీకర్ సంగీతం అందించాడు. యూత్‌తో పాటు ఫ్యామిలీ ఆడియన్స్‌కు కూడా నచ్చే విధంగా ‘దిల్ సే’ ఉండబోతుందని చిత్ర యూనిట్ చెబుతోంది. ఒన్ మీడియా ఈ సినిమాను ప్రపంచవ్యాప్తంగా విడుదల చేయబోతుంది. ఇక ఇటీవల కంటెట్ ఉన్న చిన్న సినిమాలు బాగా ఆడుతున్నాయి. యూత్ లవ్ స్టోరీస్‌ను ప్రేక్షకులు బాగా ఎంజాయ్ చేస్తున్నారు. అదే విధంగా ఈ ‘దిల్ సే’ సినిమా కూడా అందరినీ ఆకట్టుకుంటుందని, తమ సినిమాను బిగ్ హిట్ చేయాలని దర్శకనిర్మాతలు కోరారు.

Read More :   Tamannaah Bhatia : బాయ్‌ఫ్రెండ్‌కు బ్రేకప్ చెప్పేసిన మిల్కీ బ్యూటీ..