105 మినిట్స్.. సింగిల్ షాట్, సింగిల్ క్యారెక్టర్‌తో సినిమా

దిశ, సినిమా : సింగిల్ షాట్, సింగిల్ క్యారెక్టర్‌తో తెరకెక్కుతున్న హన్సిక 'వన్ నాట్ ఫైవ్ మినిట్స్' ట్రైలర్ త్వరలో విడుదల చేస్తామని తెలిపింది మూవీ యూనిట్. రాజు దుస్సా రచన, దర్శకత్వంలో ఎడ్జ్ ఆఫ్ ది సీట్ థ్రిల్లర్‌గా రుద్రాన్ష్ సెల్యూలాయిడ్స్ పతాకంపై బొమ్మక్ శివ నిర్మిస్తున్న చిత్రం.. ప్రతీ క్షణం ఉత్కంఠకు గురిచేస్తుందని తెలిపారు. ఇప్పటికే పోస్ట్ ప్రొడక్షన్ కార్యక్రమాలు పూర్తి చేసుకున్న సినిమా ఫస్ట్ కాపీ రెడీ అయిందని.. సినిమా రీల్ టైం, రియల్ టైం ఒకేలా ఉండి ఆ సన్నివేశంలో ప్రత్యక్షంగా ఉన్నట్లు అనుభూతి కలుగుతుందని తెలిపారు మేకర్స్.

డైలాగులు కూడా చాలా తక్కువగా అవసరమైనంత వరకే పరిమితమై గ్రిప్పింగ్ స్క్రీన్ ప్లే‌తో నడుస్తుందని, ఈ వినూత్న ప్రయోగాన్ని భారతదేశంలోనే తొలిసారిగా తెలుగులో చేయడం గొప్ప విషయమని వివరించారు. ఇక ఈ చిత్రానికి ఎక్కడా గ్రీన్ మ్యాట్ వాడకుండా లైవ్‌గా షూట్ చేసి సీజీ వర్క్ యాడ్ చేయడం ప్రత్యేక ఆకర్షణగా చెప్పుకొచ్చారు. టెక్నికల్‌గా సింగిల్ షాట్‌లో సింగిల్ క్యారక్టర్‌తో చేసిన ఈ మూవీ ఒక బెంచ్ మార్క్‌గా నిలిచిపోతుందన్నారు.