లోక్‌సభ ఎంపీగా టాలీవుడ్ స్టార్ హీరోయిన్!

దిశ, వెబ్‌డెస్క్: ప్రముఖ ఆస్ట్రాలజర్ వేణు స్వామి గురించి ప్రత్యేకంగా చెప్పాల్సిన పని లేదు. సినీ ప్రముఖులకు సంబంధించిన వ్యక్తిగత విషయాలను బయటపెడుతుంటారు. ఈ క్రమంలో టాలీవుడ్ స్టార్ కపుల్ సమంత, నాగచైతన్య విడిపోతారని చెప్పిన వేణు స్వామి కొన్ని రోజుల తర్వాత ఆయన చెప్పింది జరగడంతో అందరిలో ఓ గుర్తింపు తెచ్చుకున్నారు. అంతేకాకుండా టాలీవుడ్ యంగ్, హీరో, హీరోయిన్ మరణిస్తారని చెప్పి బాంబు పేల్చాడు. ఆయన చెప్పినట్లుగానే తారకరత్న ఇటీవల గుండె పోటుతో మృతి చెందిన విషయం తెలిసిందే.

దీంతో వేణుస్వామి చెప్పిన మాటలు అందరూ నమ్మడం మొదలుపెట్టారు. తాజాగా, వేణుస్వామి ఓ స్టార్ హీరోయిన్‌పై షాకింగ్ కామెంట్స్ చేశాడు. ఇటీవల ఓ యూట్యూబ్ ఛానల్‌కు ఇచ్చిన ఇంటర్వ్యూలో త్వరలో లోక్ సభ ఎంపీగా స్టార్ హీరోయిన్ ఎంపికవుతుందని చెప్పాడు. ఆయన మాట్లాడుతూ.. ‘‘గతంలో రష్మిక మందనా ఇంట్లో ప్రత్యేక పూజలు జరిపించాను. రక్షిత్‌తో ఎంగేజ్మెంట్ బ్రేకప్ చేసుకుంటే నీ కేరియర్ బాగుపడుతుందని చెప్పాను. దీంతో ఆమె క్యాన్సిల్ చేసుకుంది. ఇప్పుడు రష్మిక త్వరలోనే లోక్ సభ ఎంపీగా గద్దె ఎక్కబోతోంది అంటూ చెప్పుకొచ్చాడు. ప్రస్తుతం వేణు స్వామి చేసిన కామెంట్స్ సోషల్ మీడియాలో హాట్ టాపిక్‌గా మారాయి.