టాలీవుడ్ హీరో వేణు తొట్టెంపూడి ఇంట తీవ్ర విషాదం..!

దిశ, సినిమా: ఇండస్ట్రీలో వరుస మరణాలు చోటుచేసుకుంటున్నాయి. తాజాగా టాలీవుడ్ నటుడు వేణు తొట్టెంపూడి ఇంట్లో విషాదం చోటు చేసుకుంది. హీరో వేణు తండ్రి తొట్టెంపూడి వెంకట సుబ్బారావు(92) నేడు (సోమవారం) తెల్లవారుజామున కన్నుమూశారు. దీంతో కుటుంబంలో విషాద ఛాయలు అలముకున్నాయి. కొన్ని అనారోగ్య సమస్యల కారణంగా సుబ్బారావు మరణించినట్లు తెలుస్తోంది. అలాగే వయసు కూడా మీద పడింది. సుబ్బారావు మరణవార్త విన్న పలువురు టాలీవుడ్ ప్రముఖులు సంతాపం తెలియజేస్తున్నారు. ఈయన ఫ్రొఫెసర్‌గా చేసి రిటైర్ అయ్యారు. ఈ రోజు తొట్టెంపూడి అంత్యక్రియలు జూబ్లీహిల్స్‌లోని మహాప్రస్థానంలో నిర్వహించబోతున్నట్లు కుటుంబసభ్యులు తెలిపారు.