నేడు నేషనల్ క్రష్ Rashmika Mandanna పుట్టినరోజు..

దిశ, సినిమా: నేడు స్టార్ హీరోయిన్ రష్మిక పుట్టినరోజు ఏప్రిల్ 5 1996. ఈ అమ్మడు కర్ణాటకలోని కొడగు జిల్లాలో విరాజ్ పేట గ్రామంలో జన్మించింది. అయితే మొదట మోడలింగ్ చేసిన ఆమె నటనపై ఆసక్తితో ‘కిరిక్ పార్టీ’ సినిమా ద్వారా ఇండస్ట్రీకి పరిచయం అయింది. ఆ తర్వాత పలు చిత్రాల్లో తన నటన, అందం, అభినయంతో అందరి మెప్పు పొందింది. తెలుగులో నాగ శౌర్య ఛలో సినిమాతో టాలీవుడ్ ఎంట్రీ ఇచ్చింది. మొదటి చిత్రంలోనే ప్రేక్షకుల్లో మంచి క్రేజ్ తెచ్చుకుని ఆ తర్వాత వరుస ఆఫర్లు అందుకుంది. ఇక టాలీవుడ్ స్టార్ హీరోలతో నటించి గత కొద్ది కాలంగా స్టార్ హీరోయిన్‌గా రాణిస్తోంది.

ముఖ్యంగా పుష్ప సినిమాతో నేషనల్ క్రష్‌గా మారి వరల్డ్ వైడ్‌గా ఆమె పేరు మార్మోగిపోయింది. అయితే రష్మిక క్రేజ్ ఇప్పటికీ తగ్గడం లేదు. ఇటీవల ఆమె యానిమల్ మూవీతో బ్లాక్‌బస్టర్ హిట్ అందుకుని అదే ఫామ్‌తో దూసుకెళ్తుంది. ప్రస్తుతం టాలీవుడ్, బాలీవుడ్ ఇండస్ట్రీలో బిజీ బిజీగా ఉన్న హీరోయిన్ ఎవరంటే రష్మిక పేరు చెప్పుకోవచ్చు. ఈ భామ చేతి నిండా సినిమాలతో తీరిక లేకుండా గడుపుతుంది. అయితే నేడు తన పుట్టినరోజు కావడంతో దుబాయ్‌కి వెళ్లినట్లు తెలుస్తోంది. అక్కడే పార్టీ చేసుకుని తర్వాత పుష్ప-2 షూటింగ్‌లో జాయిన్ కానున్నట్లు సమాచారం.