అతను నన్ను మెస్మరైజ్ చేస్తున్నాడు వెయిట్ చేయలేకపోతున్నాను.. అనుపమ ఇంట్రెస్టింగ్ పోస్ట్

దిశ, సినిమా: రింగుల జుట్టు సుందరి అనుపమ పరమేశ్వరన్ అందరికీ సుపరిచితమే. ఈ అమ్మడు ‘ప్రేమమ్’ సినిమాతో ఇండస్ట్రీకి వచ్చి.. మంచి క్రేజ్ తెచ్చుకుంది. ముఖ్యంగా తన అందం, అభినయంతో కుర్రాళ్ల గుండెలను కొల్లగొట్టింది. అంతేకాకుండా నిత్యం సోషల్ మీడియాలో తన ఫొటోలు షేర్ చేస్తూ.. నెట్టింట రచ్చ చేస్తుంది. అయితే అనుపమ ఇటీవల ‘టిల్లు స్క్వేర్’ సినిమాతో ప్రేక్షకుల ముందుకు వచ్చి అందరినీ మెప్పించింది. ఈ చిత్రం మార్చి 29న థియేటర్స్‌లో విడుదలై బ్లాక్ బస్టర్ హిట్ అందుకుని అదే ఫామ్‌తో బాక్సాఫీసు వద్ద దూసుకెళ్తుంది. అంతేకాకుండా కలెక్షన్స్ పరంగా రూ. 100 మార్క్‌ని సొంతం చేసుకుంది.

ఈ క్రమంలో చిత్ర యూనిట్ టిల్లు స్క్వేర్ సక్సెస్ మీట్ నిర్వహించారు. ఈ కార్యక్రమానికి ఎన్టీఆర్, విశ్వక్ సేన్, త్రివిక్రమ్ హాజరయ్యారు. అనుపమకు సక్సెస్ షీల్డ్ కూడా అందజేశారు. ఈ క్రమంలో.. తాజాగా, అనుపమ తన ఇన్‌‌స్టాగ్రామ్‌లో ఓ ఆసక్తికర పోస్ట్ షేర్ చేసింది. ‘‘ఎనిమిదేళ్ల క్రితం త్రివిక్రమ్ గారితో అఆ సినిమా ప్రీ రిలీజ్ ఈవెంట్‌లో స్టేజీ షేర్ చేసుకున్నాను. ఆ సమయంలో నాకు తర్వాత జరగబోయే దాని గురించి ఏమీ తెలియదు. అలా మొదలైన నా ప్రయాణం నేడు టిల్లు స్క్వేర్ గ్రాండ్ సక్సెస్ అందుకునే వరకు చేరుకుంది. ఈ రోజు కూడా త్రివిక్రమ్ గారు నాతోపాటు స్టేజీ‌పై ఉన్నారు. లైఫ్ నిజంగానే ఒక సర్కిల్ లాంటిది.

తెలుగు ఇండస్ట్రీలో నాకు గురువుగా ఉన్న త్రివిక్రమ్ గారికి హృదయపూర్వక కృతజ్ఞతలు తెలుపుతున్నాను. అలాగే ఎన్టీఆర్ గారు మాస్‌కు ఒక నిర్వచనంగా ఉంటారు. ఆయన చేసే యాక్టింగ్.. చెప్పే డైలాగ్స్‌తో నన్ను ఎప్పటికప్పుడు మెస్మరైజ్ చేస్తున్నారు. ఆయనతో ఇలా స్టేజి పంచుకోవడం నాకు దక్కిన ఆశీర్వాదం అనుకుంటున్నాను. ఒక సంపూర్ణమైన ఆశీర్వాదం, అతని మాయాజాలం ప్రత్యక్షంగా ఒక రోజు ప్రత్యక్షంగా చూడాలని నేను కలలు కన్నాను. దేవర కోసం నిలబడి చప్పట్లు కొట్టడానికి వేచి ఉండలేను. నా నమ్మశక్యం కాని టిల్లు టీమ్‌కి, కలలు నిజమవుతాయని నాకు మరోసారి గుర్తు చేసినందుకు ధన్యవాదాలు. మీరంటే నాకు చాలా అభిమానం’’ అంటూ రాసుకొచ్చింది. అంతేకాకుండా ఓ ఫొటో కూడా షేర్ చేసింది.