Varun Tej: మెగా ఫ్యాన్స్‌కు మరో గుడ్ న్యూస్.. రేపే ఫస్ట్ లుక్ అంటూ పోస్టర్

దిశ, సినిమా: మెగా ప్రిన్స్ వరుణ్ తేజ్ లేటెస్ట్ సినిమా ‘మట్కా’. వైరా ఎంటర్‌టైన్‌మెంట్స్, ఎస్ఆర్‌టీ ఎంటర్‌టైన్‌మెంట్స్ బ్యానర్లపై విజయేందర్ రెడ్డి తీగల, రజనీ తాళ్లూరి నిర్మిస్తున్న ఈ మూవీకి కరణ కుమార్ దర్శకత్వం వహిస్తున్నాడు. వరుణ్ తేజ్ సినీ కెరీర్‌లోనే అత్యంత భారీ బడ్జెట్‌గా రూపొందుతున్న ఈ సినిమాపై భాకీ అంచనాలు ఉన్నాయి. 1958-1982 మధ్య కాలంలో దేశాన్ని తీవ్రంగా ప్రభావితం చేసిన కొన్ని నిజ సంఘటనల ఆధారంగా ఈ చిత్రం తెరకెక్కబోతుంది.

ఇందులో నుంచి ఇప్పటి వరకు వచ్చిన కొన్ని అప్‌డేట్స్ ఆకట్టుకోగా.. తాజాగా మూవీకి సంబంధించిన మరోక అప్‌డేట్ ఇచ్చారు మేకర్స్. ఈ మేరకు ‘అండర్‌డాగ్ నుండి ఓవర్‌లార్డ్ వరకు.. అతను తన సొంత భూభాగంలో రాజుగా అవతరించాడు. #మట్కా నుండి రేపు, ఆగస్టు 11 @ 11:07 AM కు మెగా ప్రిన్స్ ఫస్ట్ లుక్‌ని రిలీజ్ చేయబోతున్నాము’ అంటూ ఓ పోస్టర్‌ను రిలీజ్ చేశారు. ఇందులో వరుణ్ ఫేస్ కనిపించకుండా.. ఒక చేతిలో సిగరెట్, మరో చేతిలో గన్ పట్టుకుని ఉన్నాడు. ప్రజెంట్ ఈ పోస్టర్ వైరల్ అవుతుంది.