Peddha Kapu 1 Teaser : పెద్ద NTR డైలాగ్స్‌తో అకట్టుకుంటున్న ‘పెదకాపు-1’ టీజర్

దిశ, సినిమా: టాలీవుడ్ స్టార్ దర్శకుడు శ్రీకాంత్ అడ్డాల పూర్తిగా రూట్ మార్చేశాడు. ‘కొత్త బంగారు లోకం’, ‘సీతమ్మ వాకిట్లో సిరిమల్లె చెట్టు’, ‘బ్రహ్మోత్సవం’ వంటి సాఫ్ట్ సినిమాలు తెరకెక్కించిన శ్రీకాంత్.. యాక్షన్ చిత్రాలు మొదలెట్టారు. ఈ క్రమంలో వచ్చిన ‘నారప్ప’ బ్లాక్ బస్టర్ హిట్ కాగా ఇప్పుడు ‘పెద కాపు 1’ అంటూ మరో యాక్షన్ మూవీతో రాబోతున్నాడు. ఈ సినిమాతో నిర్మాత మిర్యాల రవీందర్ రెడ్డి మేనల్లుడు విరాట్ కర్ణ హీరోగా పరిచయం అవుతుండగా.. రీసెంట్‌గా రిలీజ్ అయిన టీజర్ అదిరిపోయింది. సీనియర్ ఎన్టీఆర్ పార్టీ పెట్టినప్పుడు ఇచ్చిన స్పీచ్ బ్యాక్‌గ్రౌండ్‌‌తో ప్రారంభమైన టీజర్‌లో సీనియర్ నటులంతా కనిపించారు. దీంతో కచ్చితంగా మూవీ బిగెస్ట్ హిట్ అవుతుందని అంటున్నారు నెటిజన్స్.