61 ఏళ్లలో నాలుగోసారి ప్రేమలో పడ్డ స్టార్ హీరో.. అమ్మాయి వయసేంతో తెలిస్తే నోరెళ్లబెట్టాల్సిందే?

దిశ, సినిమా: హాలీవుడ్ యాక్షన్ స్టార్ టామ్ క్రూజ్ క్రేజ్ గురించి ప్రత్యేకంగా చెప్పాల్సిన అక్కర్లేదు. ఎన్నో సినిమాల్లో నటించి.. కోట్లాది మంది అభిమానుల్ని సొంతం చేసుకున్నాడు. ఈ వయసులో కూడా ‘ఇండియానా జోన్స్‌ అండ్‌ ది డైల్‌ ఆఫ్ డెస్టినీ’ అనే చిత్రంలో హీరోగా నటించి ప్రేక్షకుల మెప్పు పొందాడు. హాలీవుడ్ లెజెండ్ హారిసన్ ఫోర్డ్. ఆయనే తనకు ఇన్‌స్పిరేషన్‌ అన్న టామ్, తను కూడా 80 ఏళ్లు వచ్చే వరకు మిషన్ ఇంపాజిబుల్‌ సిరీస్‌లో నటిస్తూనే ఉంటానని తెలిపారు.

తాజాగా టామ్ క్రూజ్ గురించి సోషల్ మీడియాలో ఓ వార్త హల్ చల్ చేస్తోంది. ఈ హీరో ఇప్పటికే 1987 లో మిమీ రోజర్స్‌‌ను పెళ్లి చేసుకున్నాడు. 1990లో డివోర్స్ ఇచ్చాడు. తర్వాత ‘నికోల్ కిడ్‌మాన్’ ను పెళ్లి చేసుకుని.. 2001లో విడిపోయారు. 2006లో కేటీ హోమ్స్‌ కలిసి ఏడడుగులు వేసి.. 2012 ఆమెతో కూడా విడిపోయారు. తాజాగా 61 ఏళ్ల టామ్ క్రూజ్.. రష్యాకు చెందిన మోడల్ 36 ఏళ్ల ఎల్సినా ఖైరోవాతో లవ్‌లో పడ్డాడట. డిసెంబర్ లో లండన్‌లోని మేఫెయిర్‌లో వీరిద్దరు కలిసి పార్టీలో హాజరై తెగ సందడి చేశారు. అప్పటినుంచే టామ్ క్రూజ- ఎల్సినా ప్రేమ రూమర్స్ స్టార్ట్ అయ్యాయి.

రీసెంట్‌గా లండన్ లోని ఎయిర్ అంబులెన్స్ ఛారిటీకి మద్దతు ఇచ్చే ఛారిటీ డిన్నర్‌లో కలిసి కనిపించారు. లండన్‌లోని కొన్ని స్పెషల్ రెస్టారెంట్‌లలో డిన్నర్స్ చేస్తూ, ఎల్సినా ఇంటికి సమీపంలోని హైడ్ పార్క్‌లో జంటగా చక్కర్లు కొడుతున్నారని సోషల్ మీడియాలో జోరుగా వార్తలు వినిపిస్తున్నాయి. వీరి ప్రేమ విషయం బయటకు రాకుండా టామ్ క్రూజ్ ఎంతో జాగ్రత్త పడుతున్నప్పటికీ ఎక్కడో ఒక్కదగ్గర కెమెరాకు చిక్కుతూనే ఉన్నారు. ఈ వార్త ఎంతవరకు నిజమో తెలియదు కానీ ప్రస్తుతం సోషల్ మీడియాలో హాట్ టాపిక్‌గా మారింది.