ఈసారి బన్నీ బర్త్‌ డేకు ఫ్యాన్స్‌కు పునకాలే.. పుష్ప-2 నుంచి సాలిడ్ అప్డేట్

దిశ, సినిమా: ప్రేక్షకుల అంచనాలకు మించి.. ఎర్రచందనం స్మగ్లింగ్ నేపథ్యంలో తెరకెక్కిన పుష్ప చిత్రం ఏ రేంజ్ లో బాక్సాఫీసును షేక్ చేసిందో ప్రత్యేకంగా చెప్పనవసరం లేదు. ఈ మూవీలో ఐకాన్ స్టార్ అల్లు అర్జున్ ఏకంగా ఉత్తమ జాతీయ అవార్డు అందుకోవడం విశేషం. బన్నీ ఊర మాస్ పాత్రలో కనిపించి ఇరగదీశాడనడంలో అతిశయోక్తి లేదు. దర్శకుడు సుకుమార్ ఈ చిత్రానికి సీక్వెల్ గా పుష్ప-2 ను తెరకెక్కిస్తోన్న విషయం తెలిసిందే.

ఇకపోతే తాజాగా ఈ మూవీ నుంచి ఐకాన్ స్టార్ ఫ్యాన్స్ ఖుషీ అయ్యే ఓ వార్త సోషల్ మీడియాలో వైరల్ అవుతోంది. ఇప్పటికే పుష్ప-2 నుంచి ఎలాంటి అప్డేట్స్ లేవని అభిమానులు డిసప్పాయింట్ అవుతున్నారు. ఈ క్రమంలో ఫ్యాన్స్ కు ఓ స్పెషల్ ట్రీట్ అరేంట్ చేశారు మేకర్స్. అయితే అల్లు అర్జున్ బర్త్ డే (ఏప్రిల్ 8) సందర్భంగా ఓ సాలిడ్ అప్డేట్ ఇవ్వాలని మేకర్స్ అనుకుంటున్నారట. కాగా ఈ సినిమా నుంచి ఓ చిన్న టీజర్ లాంటి విడుదల చేసి.. పుష్ప-2 పై హైప్ క్రియేట్ చేసే ఆలోచనలో ఉన్నారట. దీనిపై త్వరలోనే అఫీషియల్ గా అనౌన్స్ చేయనున్నారని నెట్టింట టాక్ వినిపిస్తోంది.